ARCHIVES NATIONALES
MC/ET/XXX/34
XXVIII octobre 1648
Fut present Anthoine Boscheron huissier sergent a cheval au chastelet de Paris y demeurant rue et paroisse St Germain de l’Auxerrois, lequel a recongnu et confesse avoir vendu par ces presentes a Richard Surirey bourgeois de Paris y demeurant rue de Paradis paroisse St Jehan en grève a ce present et acceptant ledit estat et office d’huissier sergent a cheval au chastelet de Paris + [+du nombre des sergents _] desquels ledit Boscheron est de present pourvu et jouissant duquel office icelluy Boscheron promet fournir lettres de provisions bien et duement expediees signees et faire aussy les quittances de resignation et marc d’or au nom et proffit dudit Surirey dans ung mois d’huy prochain venant ou plus tost sy faire se peut pour en vertu desdites lettres de provision y faire par ledit Boscheron recepvoir installer et imatriculler ledit Surirey incessamment apres l’expedition desdittes provisions le tout aux frais despens poursuittes et diligences dudit Boscheron sans que ledit Surirey soit tenu d’y contribuer aucunes choses mesmes faire par ledit Boscheron lever touttes opposition et empeschement qui pourroient arriver a l’expedition desdites provisions reception et installation audit office Ceste vente faite moyennant la somme de dix sept cent livres* et a laquelle somme lesdites parties ont convenu pour _ ledit office franc de provision de reception installation et imatricullation Sur laquelle somme ledit Boscheron a confessé et confesse avoir receu dudit Surirey la somme de six cent livres et donné quittance, pour icelle somme employer aux frais susdits Et le surplus montant onze cent livres et ledit Surirey a promis sera tenu promet de gager bayer et payer audit Boscheron ou au porteur ou en son acquit a Andre Maurice sergent a verge au chastelet de Paris sur ce que luy peut debvoir Sy tost et incontinent qu’icelui Surirey sera receu audit office sans aucunes opposition ny empeschement a ce faire ou interests Ledit Maurice demeurant a Paris rue de la grande truanderie paroisse St Eustache lequel volontairement s’est obligé et oblige en son propre et privé nom de rendre et restituer audit Surirey ladite somme de six cent livres et luy cy dessus payer audit Boscheron dans ledit temps d’un mois prochain ou faulte y auroit par ledit Boscheron de fournir lesdittes lettres de provision et faire resignation installer et imatriculler ledit Surirey audit office ainsy qu’est cy dessus dit dont audit cas ledit Maurice respond s’obliger et faire son propre faire et debt pour ledit Boscheron lequel _ Le tout sans demander ou _renoncer aux _de demander et faire declaration Et pour l’execution des presentes lesdites parties ont eslu leur domicile irrevocable en cette ville de Paris Scavoir lesdits Boscheron et Maurice en la maison ou Ledit Maurice est demeurant _declare Et ledit Surirey aussy en la Maison ou il est demeurant au _ lesdites provisions que _sont lesdits Boscheron et Maurice sollidairement _ _ _ comme dessus Fait passe en estude des notaires soubssignes l’an mil six cent quarante neuf le vingt huit Jour octobre apres midy et ont signe
Surirey Boscheron Maurice Guion Groyn
Ledit Surirey denommé au traicté dessus et déclaré par _ , reconnoye et confesse que ledit Boscheron pour ce present luy a fourni et delivré lesdittes lettres de provision dudict office d’huissier sergent a cheval au chatelet de Paris au nom dudit Surirey donnees a Paris le douze du present mois signees sur le reply par le roy Couppeau et scellees du grand sceau en cire jaune, coppie collationnée des quittances de resignation et marc d’or signees Coupeau par collation aux originaux et les antiennes provisions dudit Bocheron pour conservation icelles le tout attaches et soubs le contre scel desdites provisions pieces et actes d’institution au chatelet de Paris dudit Surirey audit office et reception en iceluy signees scavoir ledit acte d’institution Chammas et celuy de reception Coudray en datte du vingtieme dudict present mois le __ledit Boscheron s’estoit obligé _l’aicte comme aussy reconnoye ledit Boscheron que ledit Surirey a de son consentement presentement baillé payé comptant nombré et declaré par devant nous soubsignes en Louis d’or et d’argent a iceluy Maurice aussy y denommé pour ce présent qui confesse avoir receu dudit Surirey la somme de onze cent livres tournois restant a payer desdits dix sept cent livres tournois du prix porte auquel l’aicte dont declarent lesdites partie de s’acquitter raspidemment promettant et obligeant renonce, chacun en droit soy, renoncant, faict et passé [#en la maison ou est demeurant ledit Boscheron dessus declaré] le vingt cinquieme jour de novembre audit an mil six cent quarante neuf apres midy et ont signe, declarant ledit Surirey que de ladite somme de onze cent livres tournois par luy presentement payee audit Maurice il y en a mil livres tournois qu’il a empruntes de noble homme Messire Pierre de La Croix conseiller secretaire du roy receveur général des finances a Paris auquel il en a passé obligation par ledit notaire Soulez ce jourd’huy
Surirey Maurice Boscheron
Guion Groyn
*A cette époque, le salaire journalier d’un ouvrier était d’environ 100 livres par an, une famille pouvait vivre bourgeoisement avec 1000 à 2000 livres par an, la location d’une maison à Paris représentait environ 300 livres par an.
