AN 661AP/83-93
Fond DELPECH
22 mai 1569
Contrat de mariage entre Gratien SURIREY et Reyne HUBER
A tous ceulx qui ces presentes verront Jehan Baudoin escuyer garde du scel des obligations en la vicomté de Fallaise Salut Scavoir faisons que pardevant Mathieu Godey et Boniface Bin tabellions royaulx en ladite vicomté au siege de Thury comme ainsy soit que en faisant contract de mariage d’entre Gratien Surirey de present et Reynes Hubert fille de deffunt Pierre Hubert d’autre Il eust este promis et acorde verballement audit Surirey et ladite Reynes par ledit Pierre Hubert père d’icelle leur bailler et assigner autant comme ledit Hubert pere avoit donne baille et assigne a Loise Hubert sa fille aisnee seur de ladite Reynes en faisant contract de mariage d’icelle Loise et Pierre Fortin sellon ledit acord y receus et pour laquelle promesse entretems parfaire et accomplir Fuct present Martin Hubert pour luy et faisant fort pour _ de son frere lequel c’est _ et oblige promettre audit mary pour don et _ la somme de vingt cinq lyvres tournois toulteffoys qu’il plaira audit Surirey avecq ung coffre fermant a clef bon et suffisant et deulx cottes l’ugne de grix et l’auttre violette a l’usage de ladite Reyne avec ung chapperon de drap noir Item six escuelles ung pot ung plat et ung couvert le toult d’estain Item deulx bestes _ et quand aux aultres choses promises ledit contract ils devoient avoir esté bailles et lyvrés et aussy receus par ledit mary dont des choses promises par ledit contract en acord mesmes de toultes choses touchant meubles que lesdites parties pourroient avoir en affaire ensemble ils s’en vont quictes acquités les ung vers les aultres par ce present dont ledit Hubert fuct contans et devant lesdits tabellions et a ce tenir entretenir avoir agreable ferme et stable a tous jours sans en aller ne faire aller au contenus par la manière que ce soit ledit Hubert en oblige tous les biens meubles et heritages present et advenir a prendre et vendre dettes de justice sans proces En tesmoing de ce ces lettres sont sellees dudit scel sauf autruy droict se fuct faict et passé a St Remy le vingt deulx jours de may l’an mil cinq cent soixante neuf presens Pierre Surirey et Jacque Du Mesnil ce presens tesmoins_ par _ fut enregistres signes des parties et furent _
