8 avril 1598
A tous ceulx qui ces lettres verront Joseph de Josy escuier garde du seel des obligations du Baillage et haulte justice de Thury Sallut Savoyr faysons que par devant Robert Berthault et Ysaac Mahieu tabellions jures comyns et establis au[dit] baillage et siege de Thury fut present en sa personne honneste ho[m]me Martin Surirey fils Gratien de la paroysse de St Remy lequel de sa bo[n]ne pure et franche vollonte et sans contrayncte recongnoilt et confesse avoyr baille quitte cede et delaysse en pur et perpetuel eschange affin d’heritage tant pour luy que pour ses hoyrs a honeste ho[m]me Regmy Surirey de la[dite] paroysse a ce present pour luy et ses hoyrs C’est a savoyr une verge de terre size en la paroysse de St Martin de Sallen au village de Fontaine jouxte [ ] d’une part et ses hoyrs Jacques Le Mareschal d’aultre butte d’un boult sur les hoyrs _ Leugnel laquelle terre le[dit] Martin Surirey a dict estre terre de la s[ei]g[neu]rye du Plesseyct Grymoult* y subgete en rente deubs et devoyrs de s[ei]g[neu]rye pred a perche des tenues(?) des terres _ Et en contre eschange de ce le[dit] Regmy en a baille affin que dict est au[dit] Martin une verge de terre size en la[dite] paroysse de St Remy au village de La Maheudiere no[m]mee la Courte Piece contre le hoyr de dessus jouxte celles Bourienne d’une part et le[dit] Surirey d’aultre butte d’ung boult [ ] et d’aultre boult sur le[dit] Surirey tenure de la s[ei]g[neu]rye de la Malhevbiere soubs la[dite] messe de la Maheudiere subgette en sa part des rentes s[ei]g[neu]rialles deubs et devoirs de s[ei]g[neu]rye qui est sa part et cons[e]q[u]ente pourtion d’ungt chapon vue que _et vingt oeufs de rente s[ei]g[neu]rialle pour toultes rentes Et telles le[]dit _ garantir l’ung et l’autre franches et quittes de toultes choses quelconques reserve les[dites] rentes s[ei]g[neu]rialles donct les[dites] terres demeureront chargees pour l’advenir Et furent les[dits] eschanges et contre eschange faycts valleur a valleur et sans auchun retour ny desbourg de deniers d’une part ny d’aultre dont de toult ce que dessus les[dites] partyes furent conptens devant les[dits] tabellions Et quand a ce tenir et entretenir de poynct en poynct et d’article en article et avoyr pour agreable ferme et stable a tous jours sans jamais aller ny fayre aller a l’encontre en auchune manière Et les[dites] partyes chacun de son fayct et regard en obligent tous leurs biens meubles et heritages et ceulx de leurs hoyrs pre[se]nts et advenir a prendre et vendre par ex[ecuti]on d’office de justice sans proces En tesmoyn de ce ses l[ett]res sont sellees dudit seel sauf aultruy droyct Ce fut fayct et passe pour le[dit ]Martin a St Remy le mardy apres midy huyct[iem]e jour de juillet l’an mil cinq cencts quatre vingt dix huyct present Denis( ?) Bourienne et Pierre Mahieu de St Remy _ fayct sur le registre signe des partyes et tesmoin et suyvant l’ordon[nance]
*le Plessis-Grimoult
