avril 1590
AN 661AP/83-93 (Fond DELPECH)
A tous ceulx qui ces lettres verront Joseph de Josy escuyer garde du scel des obligations du baillage et haute justice de Thury Salut Scavoir faisons que par devant Ysaac Mahieu et Boniface Bin tabellions jurés et commis audit baillage siege et sergenterye de Thury fuct present Gratien Surirey de la paroisse de Sainct Remy le quel de deulx loths des heritages et maisons de la succession de deffunt Jehan Surirey venus et escheus auxdits Gratien et Jacques dicts Surirey a present aux hoirs dudit Jacques faicts par les tucteurs desdits soubsignes a la deliberation des parents desdits soubsignes ledit Gratien aisné en ladite succession apres avoir veu et visitte lesdits loths ainsy agrees et en vertu de sa _d’ainesse a prins et choisy le segond desdits loths et par non choys le premier desdits loths est demeure auxdits soubsignes dont ledit Gratien Surirey fuct contempt et quand a toult ce que dict est et lesdits choisys desdits loths ainsy faicts tenir et avoir agreable a tous jours ledit Gratien Surirey en obliger tous ses biens et heritages present et advenir ou qu’ils seront En tesmoing de ce les lettres sont sellees dudit seel sauf autruy droict se fuct faict passé et choisy a Sainct Remy le lundy du _ jour d’apvril l’an mil cinq cents quatre vingts dix presents Jehan Fourrey l’aisné Denys Fourrey et Michel Mulloys de Sainct Remy tesmoings qui ont signe comme tesmoings au bas de ladite choisi avec ledit Gratien suyvant l’ordonnance.