27 mars 1590
AN 661AP/83-93 (Fond DELPECH)
Ce document est le seul qui permet aujourd'hui d'établir un lien entre les Surirey de La Rue et les Surirey de Saint Remy. Perrine est en effet la femme de Guillaume Surirey et la mère de Richard Surirey, aïeuls des Surirey de Saint Remy.
_ le second loth de deulx loths des heritages qui furent et appartinrent a deffunct Jehan Surirey fils de Jehan dict de La Rue venus succession et eschus a Gratien Surirey son frere aisné Perryne et Jacquelyne filles de deffunct Jacques Surirey frere puisné desdits Gratien et Jehan lesdites filles soubsignees quand a present dont sont a present gardains Pierre Mulloys fils Gilles et Michel Bin lesdits loths faicts par lesdits gardans pour et en nom desdites filles pour les bailler a choisir audit Gratien comme aisney en ladite succession l’ung desdits deulx loths et laisser l’auttre par non choys auxdits gardains en nom desdites filles subsignees suyvant la coustume et present Eu aura se segond loth aura la maison nommee l’estable avec les dessus adpartenant comme ils se contiennent Item aura la piece de terre nommée le Clos comme elle se contient en _et _luy jouxte les hoyrs Guillaume Fourrey d’une part et audits hoirs Jacques Surirey fils Jehan d’ung boult Item aura la piece de terre nommée les Rivieres comme elle se contiend jouxtant les buttes d’une part d’ung boult au chemin du Pussour Item aura la piece de terre nommée Le Bosq comme se contiend jouxtant les chemins d’une part d’ung boult auxdits hoirs Item aura la piece de terre nomée Le Canel a la Dame jouxtant Ysaac Mahieu susdit d’ung boult a Marc Bertheaulme Item la moictié de la piece de terre nommée la Fontaine amye par le boult de_le champ du Mantel Item aura la moictié de la piece de terre nommée Lattes par _ de dessubs Jouxtant le premier loth d’une part d’ung boult au champ du Mantel Item aura la moictié de la piece de terre nommée le champ du Mantel et lhots de dessus jouxtant lesdits hoyrs Jacques Surirey d’une part d’ung boult du chemin de la Canes Varin Item aura la portion de terre de pray assize audit village qui fuct acquise sur Jehan Suriray fils Loys sellon le contract de ce faict et quand pour les bleds qui sont ou seront faicts tant sur lesdits heritages que sur le loth dudit Gratien et sur le loth desdites filles soubssignees seront partie aux champs a la Gerbe a Guillaume par moitié en l’aoust prochain venant et se aucune chose est demeuree a parts entre cesdits loths elle sera partie quand elle viendra en congnoissance et portera l’ung loth l’auttre partoult ou mestier sera au noms des dommage que faire se pourra et payront les rentes payables chacun de ce qu’il tiendra le vingt septiesme jour de mars l’an mil cinq cent quatre vingt et dix a Sainct Remy pres le temple(?) du lieu devant Ysaac Mathieu et Boniface Bin tabellions au baillage de Thury furent presents honnestes hommes Symon Fourrey Michel Fourrey freres Michel Fourrey fils Jehan Denys Fourrey Jehan Fourrey l’aisné Jacques Du Mesnil le jeune David B_ Collas Bourrienne Guillaume Surirey Pierre Le Heren Jacques Surirey fils Gilles et Berthrand Bin tabellions tous les dessusdits presents voisins et amys des enfants soubsignes de deffunct Jacques Surirey lesquels respectivement ont dict et repete que desdits loths faicts par Pierre Mulloys et Michel Bin tuteurs desdittes soubsignees des heritages de la succession eschus audits soubssignes et Gratien Surirey estoient bien faicts qu’ils ny congnoissoient aucuns empeschements et avons veu lesdits heritages mentiones esdits loths et par moyen lesdits tuteurs gardans desdits soubsignes avoir ce presents ont tenus yseulx loths pour agreables et les ont signes et atestés pour bailler audit Gratien Surirey pour en choisir l’ung d’iceulx et rendre l’aultre audits tuteurs audit nom prometants tenir et avoir agreable en l’estat qu’ils ce consentent sur l’obligation chacun en la callitté que se portant il font des biens et heritages presens et advenans presents Ambroise Le Manys et Jehan Hubert de Sainct Remy tesmoings tous lesquels dessusdicts et tesmoin ont sygne la notte de c et autres suyvant _