9 juin 1568
AN 661AP/83-93 (Fond DELPECH)
A tous ceux qui ces presentes verront Jehan Baudouyn Escuyer garde du scel des obligations de la vicomté de Falaise, Salut. Scavoir faisons que pardevant Mathieu Godey et Boniface Byn tabellions royaux au siege de Thury fut present Gilles Le Monyer de la paroisse de Caulmont pour luy et faisant fort en ceste presente pour Jehane sa fame promettant qu’il aura ce present agreable et luy faire ratiffier, sy mestier est, lequel audit nom confessa avoir cede par transport et mys du toult en son lieu a Gratien Surirey de la paroisse de Sainct Remy present pour luy et ses frères C’est assavoir toult et tel droict de jouissance et possession comme il a esté par devant baillé et assigné audit Le Monyer et sadite fame par Gilles Surirey procureur de ladite fame d’ugne portion de terre en plainct size en ladite paroisse au village de la Maheudiere applain jouxtée bornee et divisée aux_De ce faicts et passes devant Lescuier et Ollyvier tabellions a Sainct Lambert en dapte le Xeme jour de febvrier l’an mil Vct soixante suyvant ledict lesquelles _ledit Le Monier a presentement baillé audit Gratien avec le droict force et vertu et pour toult garant seul de son faict Ce transport faict moyennant le prix et somme de quinze livres tournois dont ledit Le Monyer soy fait a contempt devant lesdits tabellions Promettant icelluy Le Monyer toult ce que dessus est dict tenir et avoir agreable a tous jours sur l’obligation de tous ses biens et heritages presents et advenir ou quils soient En tesmoing de ce ces presentes sont scelles dudit scel sauf autruy droict Ce fuct faict et passé a Sainct Remy au village de Bailly le neuvième jour de juing l’an mil cinq cent soixante huyct pardevant Pierre Byn et Guillaume Byn tesmoings et ont signé avec lesdit Le Monyer Suriray Baudoin
NB : les hameaux de la Méheudière et de Bailly sont situés en bordure du vieux village de Saint Remy et de l'Orne.
