8 juillet 1598
AN 661AP/83-93 (Fond DELPECH)
A tous ceux qui ces presentes verront Joseph de Josy ecuyer garde du scel des obligations du baillage et haulte justice de Thury Sallut Scavoir faisons que pardevant Robert Berthault et Ysaac Mahieu tabellions jurés commis et establicts audit baillage et siege de Thury fut present en sa personne Regmy Surirey de la parroysse de St Remy lequel de sa bonne pure et franche volonté sans contraincte recoignoilt et confesse avoir vendu affin d’heritage tant pour luy que pour ses hoirs a honneste homme Martin Surirey fils Gratien de ladite paroisse a ce present pour luy et ses hoirs C’est a savoyr d’une vergee de terre size en ladite paroysse du village de la Maheudiere nommée la Courte Piece qui est size pres de ladite piece jouxtant Jehan Surirey d’une part et ledit Martin d’aultre a cause d’eschange butte d’ung boult sur ledit vendeur et d’aultre part la _ laquelle terre ledit vendeur a _ _ de la seigneurie de la Mallhevbiere soubs le _ de La Maheudiere subgette en sa part et consequente pourtion d’ung chappon vue qu’elle _ vingt oeufs pour touttes rentes Et telle la promettant ledit vendeur garantir audit acquereur franche et quitte de touttes choses quelconques Et fut ladite vente fayte par le prix et somme de troys escus ung tiers pour principal avecque dix sols tournois pour vin le toult paye presentement par ledit acquereur franchement entre les mayns dudit vendeur en francts testons* d_ et aultres bonnes monaye du roy de present ayant cours et m_ dont de toult ce que dessus lesdites partyes furent constans devant lesdits tabellions et quand a ce tenir et avoyr pour agreable ferme et stable a tous jours Et ledit vendeur en oblige a tous ses biens meubles et heritages et rentes de ses hoirs presens et advenir a prendre et recevoir par expédition d’office de justice sans proces En tesmoins de ce ces lettres sont sellees dudit seel sauf aultruy droict et fut fayct et passé a St Remy le mercredy apres midy huyctieme jour de juillet l’an mil cinq cent quantre ving dix huyct present Daniel Bourienne et Pierre Mahieu de St Remy tesmoins Fayct sur le registre signe des partyes et tesmoyns suyvant l’ordonnance
* Le teston est une ancienne monnaie française d'argent créée par Louis XII par l’ordonnance du 6 avril 1514 et confirmée sous François Ier par l’ordonnance de 1540. Le teston est la première monnaie lourde d'argent frappée en France.